Weiter direkt zum [ Seiteninhalt ] oder zur [ Navigation ].

Inhalt der Website: Bainvegni sin la pagina d'internet dal museum da la natira dal Grischun! Igl ans fa plaschair che Vus ans visitais. Nossa pagina d'internet As mussa tge che Vus pudais tut scuvrir ed experimentar en il museum da la natira. Laschai As surprender! Il museum grischun da la natira è in center d'infurmaziun per l'etnografia da la scienza natirala. Cun sias activitads variadas preschenta el ad in vast public la natira dal chantun Grischun e sias tipicas caracteristicas. Cun quai gida el a derasar ina furmaziun da la natira e da l'ambient ed a proponer l'utilisaziun da lunga durada da las resursas natiralas. Il medem mument vegn er tschertgà da declerar en moda enclegentaivla fenomens generals sco per exempel la furmaziun da las muntognas u l'evoluziun. Ina pitga impurtanta da la lavur da museum è la documentaziun da la natira dal chantun Grischun e da sias midadas. A quai servan las ritgas collecziuns e l'atgna activitad da perscrutaziun.

Hinweis: Sie haben die von uns definierten Style-Sheets (CSS) abgeschaltet oder Sie nutzen leider einen älteren Browser, daher wird diese Seite anders dargestellt.

Hinweis: Weitere Informationen über die Darstellung dieser Website finden Sie in den Besucherinfos

Bitte nutzen Sie einen anderen Browser wie Internet Explorer 8, Safari 4 oder Firefox 3, da sonst die Website nicht korrekt dargestellt wird.

Wählen Sie eine Sprache aus:
deutsch rumantsch italiano english |

Pfad der aktuellen Seite:
MNG  :  Servetsch / biblioteca  :  pressa.

Nossa adressa:
Museum da la natira dal Grischun · Masanserstr. 31 · CH-7000 Cuira · Tel.: +41 (0)81 257 28 41 · E-Mail

Internet: http://www.naturmuseum.gr.ch
  |   Temp d'avertura: mar - dum: 10:00 - 17:00 h; Il glindesdi resta il museum serrà.

L'onn 2017 en il museum da la natira dal Grischun

Uschè multifar sco la natira sezza   

                                                                                                                                                                                                                                                                                Retrospectiva sin l'onn 2016: Malia, passventar l'enviern, nanotecnologica, schacal mellen

 

L'onn 2016 ha il museum da la natira dal Grischun mussà trais exposiziuns spezialas. L'exposiziun «Il mail - in fritg spezial» ha preschentà l'istorgia culturala e natirala dal fritg consumà il pli savens en Svizra. «Passentar l'enviern - 31 srategias grondiusas» ha illustrà cun agid da 31 exempels, co che animals e plantas survivan durant l'enviern. «Expo Nano» ha guidà las visitadras ed ils visitaders tras il mund da la nanotecnologia, ha mussà nua che nanomaterialias vegnan impundidas gia oz ed ha discutà lur schanzas e lur ristgas. 

Las exposiziuns permanentas han pudì vegnir cumplettadas cun objects prezius, tranter auter cun in schacal mellen da la Surselva - l'emprim da sia spezia en in Museum da la Svizra - u cun ils oss enorms d'in saur-pesch d'ina vegliadetgna da 200 milliuns onns.

 

L'onn 2017

 

Exposiziuns: Cuaders da prada, ervas medicinalas e turmalins en il Focus

 

L'onn 2017 mussa il Museum da la natira dal Grischun quatter exposiziuns spezialas: L'exposiziun «Aventura cuaders da prada» infurmescha dals 2 da favrer fin ils 2 d'avrigl 2017 davart utschels sco il puppenbrin u la quaglia, che cuan en prada. Ella mussa nua ch'i dat cuaders da prada en il Grischun e tge impurtanza ch'il territori da muntogna ha sco spazi da viver. Egliers traidimensiunals permettan da s'avischinar al mund d'in cuader da prada sco en la realitad. L'exposiziun è vegnida concepida da la Staziun ornitologica svizra e dal Parc natiral Beverin.   

                                                                                                                                  

L'uman utilisescha ervas dani tschientaners sco nutriment, medicaments, drogas, tissis, spezarias, intschains, odurs u pigmnets. Dal 12 d'avrigl fin ils 10 da settember 2017 preschenta il museum da la natira dal Grischun l'exposiziun  «Gugent u navidas. Per tut datti in remedi». Istorgias captivantas, locals colurads e bunas odurs mainan en il mund da las ervas. L'exposiziun è vegnida producida da la fundaziun Parc selvadi Turitg.       

                                           

Dals 28 da settember 2017 fin ils 21 da schaner 2018 stattan minerals misterius en il center da l'exposiziun «Magia da cristals - striegn da turmalins stigrs». Objects originals sco er microfotografias permettan in access fascinant en il bellezza mund da quests cristals. Anc fin ils 22 da schaner dura l'exposiziun speziala «Passentar l'enviern - 31 strategias grondiusas». Ils 22 da favrer avra l'exposiziun permanenta «Scienzas da la terra» cun ina vernissascha. In film infurmescha, co ch'ins duai sa cumportar envers chauns da protecziun da muntaneras. En il laboratori da perscrutaziun spetgan objects interessants da vegnir analisads da prescrutadras e da perscutaders mirveglius.

 

Collecziuns en l'internet

 

Dapi l'onn 2016 èn infurmaziuns davart las vastas collecziuns plazzadas online sin la pagina d'internet dal museum da la natira dal Grischun e stattan a disposiziun a persunas interessadas da l'entir mund.

 

Activitads multifaras

 

Ils curs da la scienza dals animals sevadis infurmeschan chatschadras aspirants sco er ulteriuras amaturas ed ulteriurs amaturs da la natira dal schaner fin il mars 2017 davart ils mammals ed ils utschels indigens e davart lur spazis da viver.

 

La natira la saira, visitas guidadas tras las exposiziuns permanentas, sa deditgescha a creatiras en l'aua, ad animals en la zona d'abitadi e da colur naira sco er a fossils dal passà dal Grischun.

 

En la retscha da referats «Rendez-vouz am Mittag» raquintan referents davart chaussas interessantas da la natira. Il spectrum cumpiglia peschs, lieurs brinas, pernischs da gonda, raischens e taischs, chamulaunas da frigts setgentads e da cuschina, pidras da letg, il durmir dals animals e cristals.

 

En «NATURsPUR - Referats per persunas sur 9 onns» sa tracti da ludras, dal mund mirveglius da las plantas, da filiens e dals senns dals animals. 

 

La retscha da referats da la Societad grischuna per la perscrutaziun da la natira infurmescha en il museum da la natira dal Grischun davart la derasaziun dal castur, davart las presantaziuns dal tscharvè, davart plastic en il Rain sco er davart las tgirallas en las Alps.

 

Ils 18 da fevrer 2017 organisescha il museum da la natira dal Grischun - a chaschun da la retschertga per in nov atlas da derasaziun dals mammals en Svizra - in simposi davart il tema «Dumbraziun dals mammals». La dieta sa drizza a tut ils amaturs da la natira.

 

Dapi l'atun 2016 vegn organisà - en collavuraziun cun la Gruppa da lavur ornitologica dal Grischun - en il museum da lan natira Grischun in curs d'ornitologia al liber.

 

Dumengia, ils 9 d'avrigl maina in'excursiun matutina ornitologica tras Cuira.

 

Il mars cumenza in curs dad 1½ onn da botanica al liber, da l'avrigl fin l'october ha lieu per l'emprima giada in cur da perfecziunament. In curs d'approfundaziun sa deditgescha a la determinaziun da las ervas dultschas.

 

Ils 11 da november porscha il museum da la natira dal Grischun puspè in program attractiv en il rom da la sonda lunga.

 

Ensemen cun la Societad grischuna per la perscrutaziun da la natira organisescha il museum da la natira Grischun ils 2 da november in café scientific davart il tema «Nanotecnologia - schanzas e ristgas».

 

Er l'onn 2017 pon vegnir retratgas las patentas da chatscha e da pestga en il museum da la natira dal Grischun.

 

Tut las infurmaziuns davart il museum da la natira dal Grischun e davart temas actuals chattais Vus sut www.naturmuseum.gr.ch.

Ende des Seiteninhalts. [Zurück zur Navigation.]
uffizi da cultura
nach oben

Ende der Seite.