Weiter direkt zum [ Seiteninhalt ] oder zur [ Navigation ].

Inhalt der Website: Bainvegni sin la pagina d'internet dal museum da la natira dal Grischun! Igl ans fa plaschair che Vus ans visitais. Nossa pagina d'internet As mussa tge che Vus pudais tut scuvrir ed experimentar en il museum da la natira. Laschai As surprender! Il museum grischun da la natira è in center d'infurmaziun per l'etnografia da la scienza natirala. Cun sias activitads variadas preschenta el ad in vast public la natira dal chantun Grischun e sias tipicas caracteristicas. Cun quai gida el a derasar ina furmaziun da la natira e da l'ambient ed a proponer l'utilisaziun da lunga durada da las resursas natiralas. Il medem mument vegn er tschertgà da declerar en moda enclegentaivla fenomens generals sco per exempel la furmaziun da las muntognas u l'evoluziun. Ina pitga impurtanta da la lavur da museum è la documentaziun da la natira dal chantun Grischun e da sias midadas. A quai servan las ritgas collecziuns e l'atgna activitad da perscrutaziun.

Hinweis: Sie haben die von uns definierten Style-Sheets (CSS) abgeschaltet oder Sie nutzen leider einen älteren Browser, daher wird diese Seite anders dargestellt.

Hinweis: Weitere Informationen über die Darstellung dieser Website finden Sie in den Besucherinfos

Bitte nutzen Sie einen anderen Browser wie Internet Explorer 8, Safari 4 oder Firefox 3, da sonst die Website nicht korrekt dargestellt wird.

Wählen Sie eine Sprache aus:
deutsch rumantsch italiano english |

Pfad der aktuellen Seite:
MNG  :  Collecziun  :  fundaziun collecziun MGN.

Nossa adressa:
Museum da la natira dal Grischun · Masanserstr. 31 · CH-7000 Cuira · Tel.: +41 (0)81 257 28 41 · E-Mail

Internet: http://www.naturmuseum.gr.ch
  |   Temp d'avertura: mar - dum: 10:00 - 17:00 h; Il glindesdi resta il museum serrà.

Istorgia/incumbensas

La collecziun dal museum grischun da la natira è resultada da las collecziuns da la societad grischuna per la perscrutaziun da la natira e dal cabinet da naturalias da la scola chantunala grischuna. L'onn 1872 èn quellas duas collecziuns vegnidas integradas en il museum grischun per scienza e cultura e valan dapi lura sco sulet possess dal chantun. Cuntrari al museum retic ed al museum d'art n'èn ellas mai stadas en possess d'ina fundaziun. Ils 10 da fanadur 2001 ha la regenza grischuna decidì da transferir la collecziun dal museum grischun da la natira en ina fundaziun.

L'intent da la fundaziun è da mantegnair, cumplettar e da render accessibels ils objects da la facultad da la fundaziun a la publicitad sco er a la scienza e scolaziun en il rom da las pussaivladads, cunzunt cun

 

  • cumprar objects ch'èn d'impurtanza per las scienzas natiralas dal chantun Grischun;
  • preschentar en exposiziuns objects da collecziun a la publicitad e cun edir publicaziuns;
  • metter a disposiziun ad emprest objects da collecziun a museums u ad autras instituziuns per exposiziuns permanentas u exposiziuns spezialas, sche lur segirezza è garantida.

 

Sper il chantun e la societad grischuna per la perscrutaziun da la natira ha pudì vegnir gudagnada la citad da Cuira sco terza fundatura. Cuira sco vischnanca da domicil profitescha fitg da las activitads dal museum grischun da la natira, cunzunt er sin il sectur da la scola da citad. Il cussegl da fundaziun sa cumpona per l'emprima perioda d'uffizi da quatter onns sco suonda (da sanestra a dretga):

pader Theo Theiler, claustra da Mustér

Hans Schmocker, Cuira, vicepresident

Maria von Ballmoos-Wehrli, Tavau, presidenta

dr. Jürg Paul Müller, directur dal museum grischun da la natira, Cuira, administratur

dr. Pius Hauenstein,Tumein

 

Ende des Seiteninhalts. [Zurück zur Navigation.]
uffizi da cultura
nach oben

Ende der Seite.